四季文昌 (已結業)

要捉紧冬天的尾巴打边炉 又系椰子鸡煲啦 今日食呢间四季文昌 闲日嘅夜晚黎到 唔算太多人 地方够阔落 装修够晒特别 行英伦风 打卡影相1流 仲有个电话亭放喺度 好有趣椰子鸡煲汤底 用上几只椰子同椰皇去调制 加上嫩滑既走地鸡去做 听到都想食 椰子汤滚咗可以落鸡 然后反转沙漏计时 等一阵就有得食 个汁料可以落沙姜青柠同辣椒 点埋嫩滑嘅鸡肉一齐食 劲惹味可口 黑松露鲜虾福袋 黑松露味好出 入面有两至三只大大只嘅鲜虾 爽口弹牙 加埋外面嘅腐皮超正 七彩芝士流心丸 朋友讲笑 话系动漫入面嘅神器 哈哈 因为真系好色彩缤纷 个人最喜爱系黑松露味 加入爽口弹牙嘅鲜虾滑 入面仲有粒粒嘅芝士 可以有拉丝效果 真系极邪恶鬼马虾滑 呢个系用咗油炸鬼 包上虾滑同蟹子 放落去一阵就食得 油炸鬼吸晒个汤底嘅精华 不过就好容易散开 要快啲食 极上和牛拼盘 分量超大 两个人都惊食唔晒 有牛脷粒 熊本和牛 澳洲和牛 美国安格斯牛 同埋佐贺和牛 个人最喜欢美国安格斯 因为比较肥美 油花分布平均 入口即溶 最后就系腊味煲仔饭 煲饭又系劲大兜 我谂要三至四个人先食得晒 下次真系唔好咁贪心 上面既腊味劲足料 加埋个饭蕉一齐食好夹