鮮入圍煮 (已搬遷) 新店位置

今日约左几个姊妹去旺角行街，谂住一齐食埋晚饭。醒起有次系朋友既facebook见到有间打边炉好正，系用花胶汤底既，即刻search下。原来就系登打士街，叫做鲜入围煮。为左惊要等位，所以我地决定早d食晚饭，可以慢慢坐倾吓计食下嘢咁。原来就系喺登打士街广场，好彩下面都有个广告牌，等我地唔洗周围揾。原来个度附近都有好多嘢食，下次可以试吓其他嘢。𠮶度嘅环境好有特色，真系好似一个街市，可以即买即食咁。佢有一边系有几个鱼缸卖海鲜，可以即拣即食，够晒新鲜！仲有埋价钱，真系好似一个小型嘅街市。好彩我哋早左到，所以入面唔系有咁多食客，可以静静地慢慢食。首先梗系要叫个花胶煲原只鸡汤底，始终我哋系为咗呢个鸡汤而嚟既。我哋得四个人，所以叫咗个细size嘅，一送到上嚟，就有一阵阵既鸡香味。鲜黄色嘅鸡汤，个汤面头仲有一层好香嘅鸡油，真系有一只鸡系里面仲有剪细左既花胶。因为我实在太肚饿，所以饮左碗鸡汤，味道好浓郁，鸡味好重，仲有d胶质，好似食咗好多骨胶原落肚咁。花胶煲得好烟韧又够晒滑调味料方面都有好多选择：有葱、炸蒜、生蒜、辣椒同豉油。另外我哋仲叫咗啲芝心丸、牛丸、乌冬、同菜嚟打边炉。芝心丸，一啖咬入去，d芝士流晒