農米莊 (厚福街)

营业中

休息中

已帮衬多次，过去都系叫醉鸡米线，因为真系好香花雕味。今次决定试新野，叫左椰子鸡汤米线，因为见到餐牌话系养颜首选。椰子鸡汤米线面头有啲椰丝，望落同一般米线差唔多，饮左啖汤，系好清甜ge椰子味，鸡肉依旧嫩滑。大致上都系一般汤米线ge配料，但个汤系会令人想继续饮，好滋润ge感觉。同行女仔叫药膳鸡汤米线，闻到药材味好强，感觉好补，不过我冇试味。尖椒皮蛋啲皮蛋大大旧，少少酸辣，味道适中但略为未够入味。凉伴青瓜同样少少酸辣，味道适中但亦略为未够入味。