秋意 (成業工業大廈)

营业中

休息中

见到好多人介绍秋意，今次收工专登黎，呢到好受欢迎。630到已经要等位，想食既真系要早D黎，因为佢730就last order!黎到一定要叫去骨豉油鸡，配左饭。豉油鸡色择好靓仔，豉油味入晒鸡肉，而且好嫩滑，鸡皮都好好食。饭入面，仲有只有酒味既唐心蛋，好食! 配菜入面有木耳同雪耳，系腌过的。都几好食，下次会直接小食都叫呢款。瑶柱去骨贵妃鸡配鸡汤上海粗面去骨贵妃鸡更加滑，同埋鸡味再突出D。上海面既汤底好好饮，好浓的鸡汤味，又唔会过咸。跟餐叫左虫草花乌鸡炖花胶汤，呢个强烈建议大家要加，好足料，入面有花肠，虫草花，龙眼肉等等，个汤好清甜，上台时仲热辣辣。芝麻酱拌油麦菜都唔错，几开胃。