越一越南牛肉粉專門店 (已結業)

约左朋友想食晚餐，但又想食得清清地，所以拣左呢间试下，看似不太贵好似平民价钱，但发觉质素亦相当不错，叫左个生牛肉并牛腩片汤河粉，生牛肉好新鲜嫩滑，而牛腩片亦煮到好够淋，最重要河粉不是隔夜河粉，而且煮得时间刚刚好，所以食落冇断开或烂晒 ，再叫左个扎肉生菜包，扎肉好香好嫩，加埋餐厅特制既捞汁，捞汁够晒酸辣，夹埋非常好味，正，另一个小食炸虾饼，虾饼由新鲜虾肉打成虾胶再炸成，所以虾肉非常爽口，而且没有用太多炸酱，所以唔会只系食脆酱，同埋唔会太油腻，而朋友就叫左个咖喱牛腩饭，咖喱汁好香浓滑，试左一啖相当好味，而且不断太辣味道刚好，我下次都要黎试个咖喱。