楓 (已結業)

一心走去枫买加拿大海胆，点知店员话未有货返，无得食失望到尽。好彩佢哋有生蚝返咗，我就买翻半打法国Gillardesu补数。等紧开蚝的时间被个店员sell咗我一阵，买多咗几杯甜品。店员话系老板自家制的超好味，见佢sell得咁落力，又平平地试一下啦!法国Gillardeau的确有佢吸引之处，除咗肥美之外，蚝味及海水味非常浓郁。那种蚝味停留于口腔内久久不散，令人回味无穷！每只$36虽然不算太平，但店员开蚝时非常清洁又专业，每盒更包上大大袋的冰粒保持温度，俾多少少也值得。店员推介我的自家甜品终于出场，那是一杯荔枝味的奶冻。外表不算特出，有点似杯装布甸。先试一啖，好浓的荔枝味同牛奶味，口感是超级的幼滑，好味！$15一杯的奶冻如果美化装饰一下应更吸引！