渣哥一九九六 (已結業)

今日行街饿饿地，行过呢间渣哥，见好多人围住系度买野食野，我都唔执输试一试。简简单单叫左个头抽香滑肠粉，大大盒，出餐时酱料都帮我落埋，唔洗同人争酱料。食落d肠粉真系认真超级滑㖞，我都未试过食过咁滑既肠粉😲，滑得来d肠粉又唔会痴埋一旧旧，而系片片分明，食得出既层次感呀！肠粉上面除左有豉油，仲有芝麻酱同原粒白芝麻，味道沟得岩岩好，唔会太斋又唔会太咸，真系纯粹食个肠粉都食到既满足感。价钱虽然贵小小，但系食完系觉得值回票价，对食野有要求既巴打丝打值得一试。