諸勝堂

营业中

休息中

午市套餐有8种选择，跟饮品。头几款大概都系猪/虾仁/蛋既不同组合。另外仲有每日精选，今日系蕃茄猪扒或猪软骨。滑蛋讲明用日本蛋，煮得顺滑又有蛋香，叉烧无肥羔但唔柴👍虾仁大大只，又多只，仲要系好食，肉质结实，又无虾肠👍。再配埋佢啲鼓油，开胃好送饭。另外试咗猪软骨，好入味，肉质稔，而软骨部份仍保留咬口。大大件有三件，又系好好送饭。*午市时间好多人，攞位会睇你齐人未，埋位就快快手落单，食物好快上枱，又因为好味道所以好快食完。虽然系港式生活节奏，但店员仍然好好礼貌👍。