13 Thirteen (已搬遷) 新店位置

最近lunch去咗湾仔呢间小店，佢哋主要做外卖，但店入面都有张长枱仔可以喺度快食🤣🍳黑松露滑蛋虾仁饭并餐肉 $59黑松露蛋份量十足、又香又滑，三只虾大大粒又弹牙，建议大家并餐肉啊！餐肉份量多而且煎到香口，正正子！连埋甜豉油食好味又满足😚🥐牛油果酱鸡胸牛角包 $46好足料嘅牛角包！厚厚嘅牛油果酱混埋沙律酱，我哋仲加咗芝士(+3)，味道有层次！如果个包再脆啲就更正😚嗌野食可以套餐价加野饮，滑嘟嘟古力加mint($25)有惊喜！朱古力好滑身，薄荷味好出，仲加咗忌廉topping添😆 柚香乌龙冷泡茶($10)好清爽，岩晒夏天！