sensory ZERO (禮頓中心) (已結業)

朋友有提过，佢唔算好平，但食物质素几好，所以过嚟试吓。平日下午茶时间嚟到，唔算好多人，环境都好阔落。呢度系用半自助形式，自己出去落单，之后有人送上食物。朋友一心嚟试吓佢嘅猫猫造型面包，而我系牛角包好爱好者当然系试牛角包啦！其实佢有下午茶set，但冇朋友想要嘅配搭，所以都系散叫，其实差唔系好远。等咗阵终于有嘢食，猫猫面包真系好可爱，但相对地真系比较细，好彩鳗鱼就真系好大份啦。牛角包都好好食，滑蛋好出色，份量刚好够饱。可惜呢到价钱算偏贵，好彩好食，唯有当一次半次打下卡。