龍鳳冰室 (已結業)

湾仔好似好多野食，但其实一到午饭时间，间间都排哂长龙，鬼死咁多人，我地呢啲可以弹性上班嘅人真系超级唔惯🙄。今日中午出左湾仔做野，正烦lunch唔知食乜好， 行过龙凤冰室咁啱有位，唔好犹疑喇，就呢间啦。点左爆辣炭烧肉松鸡扒饭，卖相唔错，份量够大。 块鸡扒其实一啲都唔辣😅，肉松好多，舖满哂𠮶块大过手掌嘅鸡扒，但系甜甜地嘅，未必个个啱，不过都ok好味。最正其实都系个滑蛋，好厚但好鬼滑😋杯而奶茶都够滑够茶味嘅。冰室嚟讲佢质素算唔错，但由于佢客似云来，且店面好细，所以食完就要走，想坐一阵抖下气系冇乜可能嘅😅。