滾爺火鍋 (上海街)

营业中

休息中

夜麻麻9点几10点未食饭，又想打边炉，终于揾到间有做到咁夜，即刻冲左去食，叫左个二人餐，两个人六百几蚊左右，有海鲜、猪颈肉、韭菜饺、鲮鱼滑，仲有埋乌冬，本身有谂过会唔会唔饱，但end up捧住个肚走😂汤底叫左鸳鸯锅（麻辣＋沙嗲），麻辣个味好出，好吸引。海鲜有花甲同海虾，花甲新鲜又大粒，海虾爽口。猪颈肉好大碟，而且爽口，韭菜饺系手工包，都几有诚意。平时我好少食鲮鱼滑，但呢个系手打，唔会好实，反而弹牙。最后，唔少得有山根同赞岐乌冬，呢个深夜边炉唔错。