八蠔吧 (已結業)

好友好耐之前已經話俾我聽有一間蠔吧好正，終於有機會來chill 下。首先入到去呢間Bar氣氛環境好好，餐廳仲有一個座鋼琴點綴，非常型格。坐低之後即叫左香檳同埋生蠔，我們坐在bar 枱位，望住服務員處理緊即叫即開嘅生蠔，未食先興奮。意大利和法國生蠔超新鮮配埋香檳真一絕。服務員質素高，細心解釋食生蠔嘅順序食法及不同產地生蠔嘅特色。食完生蠔已經半飽，再嗌左個炸雞同炸薯條，超級驚喜，真係超級驚喜（開心事要講兩次）及滿足。炸雞超有誠意，雞件上嘅小小沙律菜及脆炸點綴，增加口感，入口非常豐富又有創意。我第一次食過咁好味嘅雞件，加上粗薯條配埋蛋黃醬真係食到唔停得口。這間蠔吧，我會比滿分。因為無論所有服務員質素，生蠔嘅新鮮度同埋食物嘅創意和誠意都足以令我再來，真心正！