Outdark (飛達商業中心)

营业中

休息中

今日放工嚟旺角食dinner, 呢间餐厅来自釜山，入到嚟见到✨满天星星吊灯好靓啊😍 木质枱櫈好大好舒适，好有户外露营feel👍🏻🥘串串鱼糕汤呢个鱼糕汤表面睇落去份量好似好少，其实材料好丰富，有鱼糕串，青口，狮子狗，香菇，金针菇，野菜，鸡蛋，萝卜，年糕，粉丝… 果然宝物沉归底。汤底好清；鱼糕串好香好弹口；萝卜炆得好淋好清甜；年糕烟烟韧韧有咬口；粉丝吸左汤底嘅精华。海鲜炒粉丝 材料丰富，有🐙墨鱼仔，🍤虾仁，蚬，🫑甜椒丝，🧅洋葱，🥕萝卜丝，木耳；粉丝好有弹性，晶莹剔透，好香芝麻味；墨鱼仔同虾仁好爽口弹牙，蚬比较细只；蔬菜丝几香甜。烤牛肉饭卷 卖相吸引，份量几多，有10件，每一件都好厚身；馅料有烤牛肉，🥕萝卜丝，腌萝卜，鸡蛋🥚，青瓜🥒；配上芝麻同特制酱汁，酸酸甜甜好开胃好惹味。🫐 OUTDARK BLUEBERRY YOGURT SMOOTHIES大大杯好抵饮，口感幼滑，可以食到粒粒打溶咗嘅蓝莓，好香蓝莓味和乳酪酸味，好清新开胃。🥭 OUTDARK MANGO ADE一样好大杯，酸酸甜甜嘅芒果汁配上柠檬🍋好清新，有少少薄荷叶香味，夏日消暑圣品。