Coffee Break (鴻輝大廈)

营业中

休息中

由2020年开始黎呢间小店，最令我挂住既系佢既咖啡，然后系食品味道，位于旺角黎讲佢既价钱系相对合理。其间有一次相熟既经理问我哋觉得咖啡有无唔同，我哋觉得淡咗但仍然ok既，佢同我哋讲转咗只贵少少既咖啡豆因为用开果只断货，我哋就话如果有得转用返旧果只啦，之后真系转返。因为杯咖啡，我哋平均每月都会去1-2次，虽然无高峰期一星期三日，但一直都维持到水准。但明显人流越嚟越少，我哋都担心仲撑到几耐但今日见到成间舖都贴咗2个男人既相，我孤陋寡闻唔识佢哋，但应该系选指定蛋糕+杯饮品就有一个应援包送，目测半数枱面都系一件蛋糕+饮品，然后系满坐+有人等位，呢个情景我都好耐无见过，但问题系你哋牺牲咗质素。我有好严肃咁同位服务员反映杯咖啡既问题，我会再去一次，如果仍然系咁，将会系最后一次。用应援吸引粉丝会系一个方法，但是否可以救到餐厅我唔知，但再系咁同样会失去一班旧客。