Kay Restaurant

营业中

休息中

前几晚去左呢间kay嘅餐厅食生日饭，一入门口见到得一枱客，心谂唔系中左伏嘛，话晒大人正日生日，一失手就破。地狱架喇！但唔黎都黎左，试试佢啰，睇完menu落单，先黎个餐前沙律醒醒个胃，又几好㖞，新鲜蔬菜同生果，食落口几清新醒胃，再上餐汤同脆包，个汤好饮嘅，但我本人唔钟意似麦皮嘅质感，主菜到，两块扒都系5成熟，火喉准确无比，外脆内软之余，肉汁非常鲜美，呢啲都唔太重要，最重要系我同大人讲嘢食时，大厨同侍应以为出问题，即时埋黎问，今时今日咪就系要呢啲服务态度啰，食物味道重要，待客态度更加重要，下次可以再翻食！