Liberty Coffee & Wine

营业中

休息中

其实已经帮衬过呢间咖啡店不下10次，每次去到都感受到满满既人情味，无论食物以致服务都十分出色💛先讲食物，每次去到佢地都有唔同既新出品，可以感受到店主同厨师对食物既热诚。最近去食左lunch set新出既青咖哩牛肋肉意大利饭同蒜香蟹肉意粉，意大利饭有咬口味道偏辣，牛肉亦都好林身，估唔到同青咖哩可以咁夹咁好味，但唔食得辣既朋友就要注意啦！另外蒜香意粉🍝就唔洗讲谂起已经流晒口水，最惊喜系咁大方既蟹肉量，啖啖意粉都充满蟹肉，实在难以抗拒🤤本身午餐跟左餐汤同饮品，饮品加左钱转latte，黎自英国既house blend豆加埋靓靓既拉花☕️以上应该解释到点解会一而再帮衬了！呢个时势经营真系好困难，由其是呢啲小店，更需要大家既支持，希望香港人可以一齐渡过今次既难关。