幸福鍋 (已結業)

幸福锅西湾河多嘢食就出晒名啦～今次喺扫街集中地太安楼，竟然有一间装潢温暖明亮嘅台湾菜 「幸福锅」。一于试下先😋一望餐牌，好多款式嘅台湾锅可以俾你拣，好多款都好吸引，一下子真系唔知拣边款好～最尾决定试下，泡菜豚肉豆腐锅（小辣）首先佢会俾个迷你gas炉俾你，等个锅可以一路滚住一路食，个锅好足料，份量好够有大大片豚肉、泡菜、鱼豆腐、沙白蚬、米血糕、鹌鹑蛋、冬粉仲有一堆配菜，有菜有肉 配料款式又多，食到好满足。仲可以配埋方便面/宽条薯粉/粉丝/白饭，我哋就拣左宽条薯粉，食到最尾将成个宽粉落汤煮，索晒味，宽粉烟烟韧韧，好正～虽然我哋只系叫左小辣，但比想像中仲要辣，唔系太食得辣嘅朋友可以留意返～慢煮乌醋猪软骨配手工面呢个真系好惊喜，猪软骨已经炆到好腍好入味，软骨位置充满胶质，猪软骨有醋香，酸酸地，平衡番个油腻感，令猪软骨入口清爽好多，一啲都唔漏，啲面又爽又滑，话咁快就清左一碗面嘞～呢间台菜除左好多主菜吸引之外，仲有好多小食都好吸引，我同朋友都🤩🤩🤩好多款都想试～手工樱花虾饼就咁望上去，已经见到有好多樱花虾仔捞左喺入面，一食落去，味道好丰富，有猪肉、虾肉、葱花、仲有啲莲藕粒粒，食落去爽爽脆脆，好香口