彤 (已結業)

彤呢间系尖沙咀既日式餐厅主打omakase，装修完全系日本风，坐系位就可以好清楚咁见到厨师整野食👍🏻我地先食佐笛鲷鱼加上北海道帆立贝配马粪海胆，两款刺身都好正，笛鲷鱼油脂丰富，入口即化，帆立贝好厚好大粒，又鲜甜，同埋海胆一齐食超级鲜味😋寿司方面一定要赞系寿司饭本身已经调佐味，完全唔点豉油都得，䲠鱼寿司平时好少食，系用稻草烟熏烹调，半熟既䲠鱼仍然鲜味唔腥🐟另外大拖罗寿司又系超级出色，入口即化，拖罗好鲜味好好食🤤另外寿司杯更难忘🍣 由北海道马粪海胆，富山湾白虾同埋三文鱼籽酱油渍组成，海胆鲜甜肥美，白虾咸香弹牙，三文鱼籽又大粒咸度又适中，超级超级好食，不得之了！🤩整体黎直讲真系好正好满足！