媽咪雞蛋仔 (已搬遷) 新店位置

平时经过以间铺，门口多人到爆，今日终于有时间去食下啦，见门口都贴住连续3年米芝莲2016-2018香港街头小食推介，原来系卖鸡蛋仔，仲要有好多唔同口味，有好多口味既鸡蛋仔都未食过，肉松白芝蔴，盐烧紫菜粟米，咖啡朱古力，有机粟子味，最后买左抹茶朱古力味（$28），因为我真系好钟意食抹茶。店长仲提我一定要衬热食，一咬落去外脆内软，粒粒都系满满，落足料，食落去唔会太多朱古力粒盖左抹茶既味。下次要试下其他特别味道或者试下格仔饼。