康瑞涼茶 (已結業)

见证住呢间铺头由中医馆小小一角，变到依家自成一铺。铺内环境宽敞舒适，几乎每次夜晚黎到都座无虚席。-餐牌有十二款选择。试过唔同款式之后，我同朋友一致认为特式仙草百配最出色😋价钱亲民，大大碗，配料丰富。捞匀炼奶后就可以开动！芋圆同地瓜圆份量颇多，烟烟韧韧，有淡淡既芋头同地瓜香。每一啖都有齐红豆，西米，薏米，黑珍珠同仙草，口感丰富，又唔会好甜，好满足。食完晚餐再食呢碗甜品，真系超级饱呀！-味道未必出色到令人惊艳，但胜在价钱亲民，用料丰富，每食一啖都有满满既幸福感，极度推荐👍🏻