影片
更多
2022-08-17
435 浏览
写了一年饮食blog以来最推介，最难忘，最感受到店家用心嘅餐厅！机缘巧合之下得知呢间隐世餐厅，早一星期book咗周末嘅夜晚，店嘅装潢简洁舒服，店员好亲切有礼，值得期待嘅一餐❤️❃ 全日定食 - 盐烧厚切牛舌 $168呢个牛舌是必试！牛舌表面烧得香口，唔点任何酱汁已经够味，咬落去好惊喜，好软熟完全唔会有渣，有少少似炆牛舌嘅程度。一边食，一边惊叹店家嘅用心摆盘，唔单止精美，所有配菜都唔会马虎，粟米薯饼外脆内软，茶碗蒸好有水准，面头仲有浓浓高汤同瑶柱，乌冬弹牙，汤头味道温和顺口。❃ 全日定食 - 盐烧油甘鱼鲛 $198店家将鱼鲛分开咗做细细份，更易夹起放入口，鱼鲛烧得香脆，肉质嫩滑，无过多嘅调味，食嘅时候可以点返酱汁轻轻提味。因为牛舌真系太出色，所以我对佢嘅印象比较深，不过呢个烧鱼绝对都系有水准。定食居然仲有甜品附上，当日跟餐嘅甜品系芝麻奶冻，上层嘅芝麻好浓滑，就算食饱食都完全唔会腻。加$10 转咗个蛋糕试试，当日系焙茶芝士蛋糕，质地唔会太硬太软，食落亦唔甜腻，饼底好好食，有屋企感觉。餐厅系免加一，睇返啲相都好想食，呢个价钱食到咁用心做嘅食物，真系要好好珍惜嘅小店，一定会回头试其他嘢❤️
❃ 全日定食 - 盐烧厚切牛舌 $168
呢个牛舌是必试！牛舌表面烧得香口，唔点任何酱汁已经够味，咬落去好惊喜，好软熟完全唔会有渣，有少少似炆牛舌嘅程度。一边食，一边惊叹店家嘅用心摆盘，唔单止精美，所有配菜都唔会马虎，粟米薯饼外脆内软，茶碗蒸好有水准，面头仲有浓浓高汤同瑶柱，乌冬弹牙，汤头味道温和顺口。
❃ 全日定食 - 盐烧油甘鱼鲛 $198
店家将鱼鲛分开咗做细细份，更易夹起放入口，鱼鲛烧得香脆，肉质嫩滑，无过多嘅调味，食嘅时候可以点返酱汁轻轻提味。因为牛舌真系太出色，所以我对佢嘅印象比较深，不过呢个烧鱼绝对都系有水准。
定食居然仲有甜品附上，当日跟餐嘅甜品系芝麻奶冻，上层嘅芝麻好浓滑，就算食饱食都完全唔会腻。加$10 转咗个蛋糕试试，当日系焙茶芝士蛋糕，质地唔会太硬太软，食落亦唔甜腻，饼底好好食，有屋企感觉。
餐厅系免加一，睇返啲相都好想食，呢个价钱食到咁用心做嘅食物，真系要好好珍惜嘅小店，一定会回头试其他嘢❤️
张贴
