湘聚小廚

营业中

休息中

今日朋友带我去食湘菜，系小街入面，无人带真心唔会揾到。一入店铺，铺面唔算好大，光线偏橙色调，有温暖居家的感觉，枱凳十都系简简单单，以朴实为主。刚坐低就送上两个小食，炸花生和海带丝。炸花生十分香脆，再沟埋盐、砂糖，甜甜地咸咸地，食唔停口。海带丝就少少辣又爽口，开胃。坛子猪手 - 首先会被轻微的醋香所吸引，醋香开胃而不会让人感到刺鼻，加入少少辣味令人食指大动。另外猪手的肉质与酱汁完美结合，煮既时间足够，入口即化的骨胶原令满足。茄子角豆 - 拣左个比较少见既蔬菜，厨师用猪腩肉炒香去，已经好惹味，茄子再吸收晒精华，夹埋角豆一齐食好有口感，重有长青椒带少少辣，浓味得黎又好好食。奶香卷⭐️诚意推介，食湘菜必须配主食，所以奶香卷系必须点，近似馒头，但厨师将面团拉到一丝丝，再卷成一个球体去蒸，小店蒸得特别柔软细腻，又有小小奶香，配𩠌食一流👍🏻而且小店所有食物都热辣辣上枱，影相时都感受到其热烟。今次朋友无介绍错，可以试到正宗湖南菜。