甜入心 (好運中心) (已結業)

今日喺沙田食完晚餐，好想食甜品🥰 就过嚟呢度试吓小店招牌椰皇系列既甜品。 今次已经系第3次黎试， 因为款式好多，有中式有西式甜品，同埋有限定小食 ，价钱亦系街坊价。👅食评：🌟恋上椰皇子 （热）椰皇入面有好多材料，上面铺上3色芋圆，小丸子，芝麻汤圆，同低下有椰汁同蛋白炖奶。 芋圆味道唔错，但偏细粒。芝麻汤圆中规中矩，小丸子烟烟韧韧。 反而底下蛋白炖奶，奶味好重，刮埋啲椰肉食，中和左甜度，几好味。🌟惹味马拉盏酱伴猪肉烧卖食落猪肉烧卖加马拉盏酱，少少微辣好开胃，亦唔觉得咸。成粒烧卖上面有一半系猪肉，食落口感唔错。第一次食烧卖系呢种配搭，几新鲜。 ～整体黎讲🍽～甜品款式好多，特别系好多椰皇系列选择，可惜胃口有限，下次想试吓中式系列。 环境方面，虽然系小店比较细，但都坐得几舒服。