大喜屋 (已結業)

收工同妈咪出去食餐好，由于我地都好中意食日本野，就拣左去食放题啦，好彩一早book左位，估唔到平日都咁到人，7点几入去个阵已经开始有人等位选择的款式有好多，刺身、寿司、炸物、手卷、熟食、面类、沙律等。饮品都系任饮，有盒装、罐装同自家制既饮品，都几多种类，真系无得输呀！打头阵当然系要试左刺身先啦！刺身选择有好多，点了三文鱼、油甘鱼、带子、虾等。虽然三文鱼唔系三文鱼腩，但都好厚身，而且纹理清晰。至于带子都非常大粒，好爽口。轮到烧物，羊架同牛仔粒都唔错，香气四溢！鸡翼皮脆肉嫩，而海虾则爽口弹牙！真心比较推荐大家食佢嘅铁板料理，马拉盏炒芥兰苗超入味！香兰魔鬼珍宝虾大只新鲜弾牙，真系食到舔舔脷，而且最重要既系有movenpick，虽然一人一份，但都好正！整体来讲，嘢食种类都好丰富，而且坐得舒服，空间大，值得推介