影片
更多
2021-06-27
468 浏览
香港得好少餐厅专门食蟹，见到朋友介绍蟹膳，今次就拣咗呢间嚟一晚蟹宴！一入店就见到有一个蟹嘅水池，装修都好有日本高级餐厅的氛围，而且每一枱都有篱笆隔住，唔会见到旁边嘅食客，私隐度高！枱面仲有两只蟹仔陪住食饭添～ Menu有3款蟹可以拣，松叶蟹、毛蟹、鳕场蟹，最后就拣咗「嘉よし」鳕场蟹嘅晚市套餐试吓！前菜 金柚蟹肉沙律柚子蟹肉嘅配搭，加上酸酸哋嘅沙律汁，实在太开胃，同埋fresh，好适合做夏天嘅开胃菜啊！沙律菜亦都无青涩苦涩嘅味道！烧鳕场蟹每人一碟都有蟹脚同蟹钳，鳕场蟹蟹脚咁长，食起上嚟真系啖啖肉啊！师傅烧到蟹肉啱啱好熟，有鲜甜嘅蟹肉味，唔会过熟，恰到好处。侍应亦都有介绍食法，可以点旁边嘅蟹醋或者加少少柠檬汁，如果加柠檬就食到蟹嘅鲜甜，个人就钟意蟹醋，完全带出蟹肉嘅鲜味，令蟹嘅味道更加出！不过拆肉就少少费时🤭鳕场蟹脚天妇罗碟上有抹茶盐、萝卜蓉，另外有天妇罗汁，侍应提议蟹肉可以点抹茶盐，而其他野菜天妇罗可以点天妇罗汁。呢道菜有两件鳕场蟹脚，野菜天妇罗就各有南瓜、日本甜番薯、紫苏叶、流心蛋，其中紫苏叶好有惊喜，里面包住蟹肉，蟹肉配紫苏叶，味道好夹！蟹脚天妇罗建议趁热食，啖啖肉，炸粉薄身，配埋抹
一入店就见到有一个蟹嘅水池，装修都好有日本高级餐厅的氛围，而且每一枱都有篱笆隔住，唔会见到旁边嘅食客，私隐度高！枱面仲有两只蟹仔陪住食饭添～
Menu有3款蟹可以拣，松叶蟹、毛蟹、鳕场蟹，最后就拣咗「嘉よし」鳕场蟹嘅晚市套餐试吓！
前菜 金柚蟹肉沙律
柚子蟹肉嘅配搭，加上酸酸哋嘅沙律汁，实在太开胃，同埋fresh，好适合做夏天嘅开胃菜啊！沙律菜亦都无青涩苦涩嘅味道！
烧鳕场蟹
每人一碟都有蟹脚同蟹钳，鳕场蟹蟹脚咁长，食起上嚟真系啖啖肉啊！师傅烧到蟹肉啱啱好熟，有鲜甜嘅蟹肉味，唔会过熟，恰到好处。侍应亦都有介绍食法，可以点旁边嘅蟹醋或者加少少柠檬汁，如果加柠檬就食到蟹嘅鲜甜，个人就钟意蟹醋，完全带出蟹肉嘅鲜味，令蟹嘅味道更加出！不过拆肉就少少费时🤭
鳕场蟹脚天妇罗
碟上有抹茶盐、萝卜蓉，另外有天妇罗汁，侍应提议蟹肉可以点抹茶盐，而其他野菜天妇罗可以点天妇罗汁。呢道菜有两件鳕场蟹脚，野菜天妇罗就各有南瓜、日本甜番薯、紫苏叶、流心蛋，其中紫苏叶好有惊喜，里面包住蟹肉，蟹肉配紫苏叶，味道好夹！蟹脚天妇罗建议趁热食，啖啖肉，炸粉薄身，配埋抹茶盐，正！流心蛋天妇罗侍应建议一啖食，一咬落去流心程度啱啱好👍🏻
鳕场蟹火锅
两人份量嘅鳕场蟹，有2-2.5kg重，师傅已经将蟹脚蟹身拆好，并有两人份量嘅野菜盘，同埋蟹肉饺子。侍应亦有建议蟹肉碌3分钟就可以食，按照佢嘅建议煮法，蟹肉啱啱好熟，不会韧，配有柚子酱油，带出蟹肉嘅鲜甜！蟹肉饺子咬落去，充满浓浓嘅蟹肉配紫苏叶嘅味道，不过不失。值得一提，每一款野菜都好新鲜，可见食材一啲都唔马虎。
最后侍应会将剩低嘅蟹膏、蟹身放入锅度，加入白饭同鸡蛋煮成粥。本身嘅清场火锅汤底，已渗满晒蟹肉嘅鲜味，再煲成粥，将火锅嘅精华结合哂一锅粥里面😋！
甜品有柚子雪葩同芝麻雪糕拣，拣咗柚子雪葩，清新消腻！餐厅会预前雪好只碟，等啲雪葩无咁易溶！👍🏻
张贴
