鉄人大盛 (已結業)

有时两个人咩都想食就会拣放题，因为食物多选择，一个价钱食到好多唔同种类嘅食物铁人大盛应该新开冇几耐，见到上网有介绍 好似几吸引 。餐厅入到去有个位系可以夹公仔，即系你可以食下玩下咁。 啱晒情侣或一家大细。食放题一般我都会食刺身寿司先，呢度刺身寿司都好多选择，而且摆盘几靓，都尚算新鲜。 三文鱼腩、油甘鱼、带子、甜虾、荣螺及赤贝等。烧物都有好多选择，多到试唔晒。 首先叫咗葱花牛卷， 调味唔错但系老咗少少。烧带子大大只，带少少牛油味。 鳗鱼好肥美 ，大大件， 酱汁够多，不过有少少骨。 鹅肝多士忍唔住叫四件， 鹅肝好大块，不过佢系炸嘅方法煮，唔系煎嘅，下面配块多士，就冇咁油腻。叫咗个蚬汤，蚬几鲜甜，呢个唔错。黑松露鱼柳，黑松露味好香，鱼够林，煎得几香，呢个推介。食餐放题我都好钟意食甜薯， 所以叫咗一份嚟食， 甜薯味道冇得输。炸物都系放题啲叫，叫咗炸天妇罗虾同炸蚝，炸得金黄香脆。最后已经食到饱饱，但系都不忘食番个雪糕，系哈根大师。其实我食放题又唔系食得好多，只不过食物多选择，可以食多啲种类，其实都抵。