MONMONO (已結業)

我地今晚系呢度食晚餐，餐厅环境好靓，全间餐厅都系蓝蓝的，好特别，系度打卡影相别有一番风味呀！💯沙律：双色蜜瓜 •西班牙火腿呢个沙律好清新新鲜，两款蜜瓜都好甜，充满果香，西班牙火腿亦好咸香烟韧，加埋蜂蜜黑松露，甜甜地，整体都唔会太咸，反而几清香！💯肉食：德国黑啤慢煮走地三黄鸡三黄鸡系特别肥美特别鲜嫩架，鸡肉肥瘦均匀，而且鸡肉好嫩，质感好好，慢煮会令到鸡肉嘅肉质特别鲜嫩，亦都充满咗黑啤嘅浓香，酱汁好味，同鸡肉好夹！💯主食：XO酱鲍鱼海鲜烩意粉用烩意粉嘅方法，意粉嘅质感特别烟靭，酱汁嘅味道特别吸收，XO酱去煮啲意粉好香辣，刺激惹味，而且鲍鱼同埋其他海鲜都好鲜嫩，有海鲜嘅鲜甜！