泓景悅宴

营业中

休息中

间中有嚟呢间酒楼饮茶，今日试下系度食晚饭。叫左个特价例牌乳猪（$48.8），咕噜肉同海味什菜煲。咕噜肉上枱先，卖相唔错又够大碟，除左有咕噜肉，重有菠萝，青红黄椒等。咕噜肉酸酸甜甜，非常开胃，最啱送饭。跟住就系海味什菜煲，清清地，除左什菜外，重有虾米，虾，鱿鱼，贵花蚌等，都几丰富。最后先到乳猪出场，虽然系例牌，分量都唔细，食落口皮脆肉滑，重好有猪味，点埋乳猪酱，正，要比个佢！埋单时送糖水，今晚糖水系绿豆沙，算系今晚最失色既一环，冇乜绿豆味，味道差少少甜味。