芭堤雅泰國餐館

营业中

休息中

去完泰国旅行，对泰菜依然心挂挂，所以今晚决定食一餐泰菜。我同太太点咗明炉青柠蒸乌头，泰式咖哩牛腩，泰式炒杂菜，一份薄饼。炒菜方面，菜好爽脆，亦好够浓味，唔算好特别。青柠蒸乌头配料好足，几乎活埋咗条鱼，唔错，建议俾条鱼热一阵，等啲汁够味啲先食，同埋淋啲上鱼面，否则鱼面比较淡，鱼嘅口感都新鲜，冇泥味亦唔会霉。咖哩牛腩正呀，咖哩好浓椰汁香（我估系椰汁咋），好浓厚，牛腩有好多牛筋，煮得够冧，我钟意，配埋脆脆地嘅薄饼点汁食，一流，薄饼食完一份，再叫多咗一份。最后嘅芒果糯米饭都唔错，芒果都算甜，一份有两种米，黑同白糯米，两种口感，加埋甜椰桨，作为饭后甜品绝对合格。