鉄火堂 (登打士街) (已結業)

同男朋友喺附近做开嘢，又突然想食寿司，就去咗鉄火堂嘅旺角店。坐低见到餐牌除咗有好多款丼外，仲有外型好吸引嘅寿司盛，侍应介绍两款寿司盛，如果喺专页 like and comment 返其中一个KOL帮鉄火堂拍嘅片，就可以半价享用两款寿司盛。我哋就拣咗原价$298嘅火盛，有12件寿司，两件反卷，细细碗嘅碎葱吞拿鱼腩饭，温泉蛋，沙律同味噌汤，半价后$149非常抵食。由于男朋友都唔算大食，另外只系嗌咗个$22两件嘅鳗鱼玉子烧，同埋男朋友好想食嘅一口炸芝士，我其实麻麻地想食，又成$35，不过佢想食就嗌咗。个玉子烧嚟到好细件，同餐牌张相差好远，又切到一大一细咁，于是叫个staff换过碟俾我哋，再整过其实都系真系得咁大件，只系好似切得均匀咗少少，好就好在热辣辣，但个蛋都唔系太足料，得好少层冇乜substance, 个人认为真系唔系太抵食。至于个一口芝士基本上就系吉列炸芝士，我只系食咗一旧，味道不过不失，可能因为本人唔系太钟意食炸芝士，觉得太漏，但男朋友就赞不绝口。下次如果再食，都应该focus on寿司或丼，质素会有保证啲。一人百几蚊嘅寿司晚饭都算系好抵。