東京築地拉麵 (已結業)

同左个FD去银座睇戏之后揾野食，咁我就想食拉面，就去左地下个间筑地拉面，叫左碗特上大盛拉面($78)，因为贪佢咩都有唔洗谂，而且一次试晒如果唔好食下次就可以揾第二间食-0-。汤底杰度OK, 猪骨够香浓。糖心蛋用味噌腌过，唔错。豚肉肥瘦均匀，叉烧亦都好淋，D油花溶系口嘅感觉好正！拉面煮得啱啱好，重点系要够弹牙，面质都唔错，放左一阵都仲keep到弹牙。芒果闪电口感好得意，底层系芒果冻，中间落左爆炸糖，饮个时会系口度啪喇啪喇咁几过瘾，面头仲有几粒小芒果冰球，虽然冰球芒果味唔重，我估系用芒果糖浆整。Ｄ间嘢嘅出品总体都叫唔错嘅，起码个拉面几好食，饮品都有特色。