TON 180

营业中

休息中

俾人捉去尖东饮嘢，其实我系万千个唔愿意。因为最近我返早，其实收工𠮶阵已经好肚饿，唔想净系得墨西哥脆片同花生做晚餐…好啦，嚟到尖东半岛中心TON 180，典型酒吧格局，一打开本Menu…咦？卤水鹅片？蚝饼？肥牛粉丝煲？好㖞，咁我又唔介意呀😂。于是就叫咗两杯嘢饮先，当然系靓靓仔仔嘅 - Corktail夏日的梦、和荔枝马天尼。夏日的梦根本就系一个彩虹，而且好易入口，有啲mint嘅味。荔枝马天尼嘅酒味比较重，但入面系有荔枝肉。有趣嘅系其实TON 180嘅Corktail系有外卖(速递)，Foodpanda、Deliverwoo和美团都有。以为一间酒吧点会识做潮州嘢？实际上，”鹅片卤水拼盘”做得相当唔错，够热，鹅片有鹅味，够晒淋。”猪大肠”都唔错，肥膏唔会好多，洗得干净。不过个人觉得最好食系”墨鱼拼鹅肠”。除咗够晒热，墨鱼够烟靭又易咬。鹅肠更加系超过一般卤水店嘅水平，爽口够味质感平衡，系今晚最好食嘅嘢。另外呢度有飞镖机，不过好多人排队😅，我今晚就攰到傻，食嘢饮嘢就够，总算可以relax吓。