強記大排檔

营业中

休息中

突然兔姐来电相约晚饭，撞啱我揾左成日都无朋友陪我食羊腩煲，就一口应承啦。上网摷下上水边度有靓羊腩食，发现街市有档三和火锅好有名气㖞，就去一探虚实，点知左兜右兜都揾唔到。行黎行去都系强记，我放弃喇，强记就强记啦。生力清啤，今晚饮一双好喇 ﹗发现我经常搞错生力同百威套制服，我已根深蒂固生力既制服必定系黄色架麻，无啦啦转左同百威一样系红色，都唔知为咩 ﹗见几个生力及蓝妹 promoter 妹妹咁落力，友情价叫两支啦。如果知道唔系百威，我会饮蓝妹啰。招牌羊腩煲，HKD288 都系贵㖞，近几年羊肉价钱不停𩙪升，了解既。招牌羊腩煲，兔姐刚落车，叫定个煲滚住等都差不多喇。招牌羊腩煲，开呀 ﹗劲足料㖞，大量羊腩配上炸枝竹、冬菇、冬笋、马蹄、大葱、姜，等等等。价钱合理，贵得有道理 ﹗羊肉汤极浓厚，质感幼滑，味道丰富香醇，饮完暖入心。羊腩肉多骨少，啖啖肉半肥瘦，入口软棉松化，清淡羊膻味夹著羊肉甜味，酱汁已渗入每丝纤维中，黏上少许腐乳酱更添风味 ﹗非常美味，要再三添食，如果捞白饭就真系神仙都企唔稳呀 ﹗推介之选 ﹗所有配料已经完全吸收羊肉汤既精华，好味道 ﹗冬菇滑爽弹、冬笋味道又爽脆、枝竹索尽汤汁，无得顶。