滾得囍宮廷火鍋小炒

营业中

休息中

今日同朋友约出嚟庆祝生日 ，加上另一个朋友又求婚成功，可谓双喜临门，呢间餐厅个名衬晒吖。点左个花胶鸡煲，一嚟到即刻饮咗啲汤先，啲汤好鲜只鸡又好滑，花胶份量都唔少。有几款食物平时打边炉比较少见咁就点咗，例如鱼肚， 半熟五花腩同埋瑶柱干贝滑特别想讲下个鱼肚，其实即系鸡扎嘅鱼肚，啲鱼肚上面咗放咗啲姜蒜，碌落个咁鲜味嘅汤入面出奇地好食。半熟五花腩呢就系处理过嘅猪腩肉， 因为处理过碌完之后个口咁都好扎实，推介。鱼滑虾滑就食得多，呢个瑶柱干贝滑个名就几特别，啲瑶柱味令到个滑好鲜甜，值得一试。整体所有食物嘅质素呢都好平均，绝对食得出大部分都系新鲜食材，住附近嘅朋友真系要去试下。