影片
更多
2022-01-02
1009 浏览
第一次写食评！个人懒冇办法啦😅😅今次间餐厅令我觉得一定要赞下佢，除咗真系叫做美食之外而且仲好抵食🤩近近地喺屋企附近$300可以买单嘅餐厅，仲要食咁多嘢真系好化算！一次满足3款食物🤣🤣🤣最紧要系间餐厅冇限时再加上大部份嘢食都任食，但靠呢一样已经冇得输啦！间餐厅位于一个比较隐世嘅位置，由山道要行少少斜路上去！未到门口就已经闻到好香嘅味道！入到去餐厅，地方就比较细少少，不过餐厅就有分两层嘅！而且有大厅有得包房，我谂订位𠮶时同餐厅讲声都应该OK嘅！我哋今次一共12人，虽然坐得迫少少，但感觉都OK嘅！坐埋位之后，餐厅哥哥仔就会开始讲要拣咩味嘅鸡煲，有辣有唔辣！大中小辣悉随尊便！上咗鸡煲之后佢仲要有只鸡仔闹钟帮你set时间，8分钟就要炒一炒，总共炒四次，系中间就落埋芫荽！跟住一开煲食！哇！啲鸡又够滑又香，重点系可以辣同辣都得呀嘛！当你嘅鸡煲食到2/3左右，餐厅哥哥又埋嚟同你讲，我哋而家准备帮你哋蒸海鲜啦㖞！海鲜其实就计每个人嘅份量有扇贝、虾、鲍鱼、圣子、大花甲同埋斑腩！未上枱𠮶阵，其实大家都只系期待😚但系一上枱之后哗哗哗，咁大份嘅系好喜出望外啰！个蒸海鲜拼盘，绝对系影相打卡之选📸当你又系食到差唔多
间餐厅位于一个比较隐世嘅位置，由山道要行少少斜路上去！未到门口就已经闻到好香嘅味道！入到去餐厅，地方就比较细少少，不过餐厅就有分两层嘅！而且有大厅有得包房，我谂订位𠮶时同餐厅讲声都应该OK嘅！我哋今次一共12人，虽然坐得迫少少，但感觉都OK嘅！
坐埋位之后，餐厅哥哥仔就会开始讲要拣咩味嘅鸡煲，有辣有唔辣！大中小辣悉随尊便！上咗鸡煲之后佢仲要有只鸡仔闹钟帮你set时间，8分钟就要炒一炒，总共炒四次，系中间就落埋芫荽！跟住一开煲食！哇！啲鸡又够滑又香，重点系可以辣同辣都得呀嘛！
当你嘅鸡煲食到2/3左右，餐厅哥哥又埋嚟同你讲，我哋而家准备帮你哋蒸海鲜啦㖞！海鲜其实就计每个人嘅份量有扇贝、虾、鲍鱼、圣子、大花甲同埋斑腩！未上枱𠮶阵，其实大家都只系期待😚但系一上枱之后哗哗哗，咁大份嘅系好喜出望外啰！个蒸海鲜拼盘，绝对系影相打卡之选📸
当你又系食到差唔多2/3左右，餐厅哥哥又埋嚟同我讲啦！跟住就准备打边炉🍲啦㖞，你哋要咩汤底啊？有虫草花炖乌鸡汤（呢个系必食推介），另外仲有蕃茄薯仔汤锅同芫荽皮蛋锅呀！我哋就拣咗虫草花炖乌鸡汤同埋蕃茄薯仔汤！嚟到之后，个虫草花炖乌鸡汤系可以即刻饮嘅，我哋试咗一啖，唔错都几清甜㖞！单系呢个锅都唔止个价钱啦！跟住餐厅哥哥仔就会上埋佢哋嘅招牌牛颈脊😍😍😍仲要系任食㗎👍🏻👍🏻👍🏻
其他好似🥬青菜、🍢丸类、🐟鱼皮、响铃、莴笋、豆腐、鹅肠𠮶啲呢，都会系有个位置俾你去攞！而且除咗🍻酒类饮品之外，其他饮品都系任饮，真系好抵玩！
总括一下先😍😍😍
🔶鸡煲
可以拣辣同唔辣，辣嘅带BB辣、细、中、大辣拣，我地都比较食得拣，试水温就拣咗细辣🤣🤣🤣最后觉得唔系好辣😜芫茜自己选择落唔落都得！
🔷蒸海鲜大拼盘
呢个绝对系全餐饭嘅惊喜，虽然唔系最名贵嘅海鲜，但卖相好吸睛，而且海鲜都非常新鲜，绝对唔系雪咗好耐嘅嘢！
🔶虫草花炖乌鸡汤
呢个汤，真心推介！口感好清甜，唔系求求其其煲个汤就算个种！可以饮完个靓汤先打边炉，不得了！
🔷蕃茄薯仔汤
呢个都估佢唔到，好多火锅餐厅都系求其煲少少蕃茄比你就算，呢个系真系揾到好多蕃茄，而且味道都好正👍🏻
🔶自助区
其实都好多选择，各式各样嘅野食都有，丸、菜（2-3款），墨鱼滑、虾滑、菇、支竹、鹌鹑蛋、粟米、鱼皮、响铃⋯⋯⋯都一定够哂饱！
我地由7点食到10点几，生意都真系几好，如果系附近住或者黎开石塘咀都不防试下👍🏻👍🏻👍🏻
辣同唔辣鸡煲
31 浏览
0 赞好
0 留言
超正蒸海鲜拼盘
72 浏览
0 赞好
0 留言
虫草花炖乌鸡汤锅同蕃茄薯仔汤
60 浏览
0 赞好
0 留言
虫草花炖乌鸡汤
39 浏览
0 赞好
0 留言
必食任食牛颈脊
31 浏览
0 赞好
0 留言
牛颈脊
31 浏览
0 赞好
0 留言
自助取料区
49 浏览
0 赞好
0 留言
自助饮品区
63 浏览
0 赞好
0 留言
豚肉
22 浏览
0 赞好
0 留言
张贴
