荷華庭園景餐廳 (已易手) 新餐厅

呢间餐厅既元素，一定包含有：服务、食物质素、景观等等各个因素。而呢一间餐厅，系我心目中所有都系满分。首先如果你系坐喺室外嘅话佢个景观系十分之开阳，对住一座又一座青翠嘅山，就算你有厌食症，相信对住个咁靓嘅景食饭一定即刻都会饿鬼上身。第二，服务员嘅质素亦都十分之高，因为佢嘅𠮶日特别大风，店员亦都好主动咁问我哋需唔需要披肩，呢一样野系令到我有惊喜。而且，每一次上餐之前都会帮我哋换餐具，试问有边一间餐厅嘅服务可以去到咁嘅质素？最后梗系要讲吓佢嘅食物质素啦，我哋𠮶日食咗火焰雪山、鳕鱼扒。首先佢嘅火焰雪山，虽然系点左小份量嘅火焰雪山，但系两个人食都系食唔晒，因为份量10分充足，火焰雪山唔会太甜亦都唔会唔够甜，甜味刚刚好。另外，佢嘅鱼扒，亦都10分出色，充满新鲜嘅鱼味，绝对唔系冷藏鱼，煎完出嚟嘅鱼扒，亦都唔会太散，保持到鱼肉嘅质感。