樂麵

营业中

休息中

成日同男朋友都会行新都会，今日经过见开左间拉面店！当然要即刻试试啦！一入到去就见到全部都系吧台！好有传统日式拉面店既感觉！好正宗💮我叫左期间限定既胡椒豚肚汤拉面🫙男朋友就叫左有香港特色既花雕醉鸡汤🍾作为胡椒爱好者，胡椒豚肚汤拉面真系好中我！汤上面洒满黑胡椒，食每一啖面都可以食到胡椒粒！呢个拉面可以试到豚肉同豚肚两种部位既肉，豚肚比较嫩滑，而豚肉就肉感好重，比较有咬口，各有特色！😋男朋友既花雕醉鸡汤拉面味道好有趣，浓汤有淡淡既酒香味，鸡肉鸭肉都沾满酒味，冇一般拉面咁腻，相对比较清爽。😋而面既配料都好好食！我同男朋友都各自追加左竹笋同溏心蛋～见到佢有好多小食，但实在太饱了，决定下次再黎试！🥰