御滿屋日本料理

营业中

休息中

又嚟到荃湾依间「御满屋」食放题，今次多咗D唔同款式嘅甜品可以试下，蜂蜜蛋糕同伯爵茶布丁烧都令我忍唔住encore食咗各五、六件，寿司、刺身、热食等等都依然维持到水准。*此餐厅收取加一服务费。五六日假期A组合放题成人晚市自选2小时（两人$616），刺身，带子、阿根廷赤虾、赤贝、泰式生虾、希灵鱼、北寄贝、角螺、油甘鱼、剑鱼腩、甜虾、八爪鱼、挪威三文鱼、鲍片、松叶蟹棒，食落好新鲜。蒜蓉烧生蚝（跟餐$0），表面铺满金银蒜、指天椒，生蚝味道鲜甜，食落好Juicy。日式炒蚬（跟餐$0），蚬肉肉质饱满，食落有鲜味，加入指天椒、蒜蓉、彩椒、香葱炒制，味道类似大排档里食到嘅香辣酱爆炒蚬，食落好惹味。盐烧海虾（跟餐$0），肉质爽口，味道咸鲜。竹笙瑶柱蟹肉羹（跟餐$0），口感浓稠，略嫌瑶柱、蟹肉份量少，食落比较细碎，味道类似碗仔翅。海胆鱿鱼军舰（跟餐$0），表面铺满海胆酱，鱿鱼口感爽脆。蜂蜜蛋糕（跟餐$0），口感松软，味道清甜。伯爵茶千层蛋糕（跟餐$0），略嫌蛋糕分层口感比较厚实，茶味浓度6分，略嫌味道偏甜。伯爵茶布丁烧（跟餐$0），表面铺满日式芝士蛋糕，味道咸香，底部为伯爵茶布丁口感湿润，茶味浓度8分，整