Terrace in seaside (形點 I)

营业中

休息中

近排成日去元朗，食咗好多间餐厅都好唔错，今次去食韩式cafe—terrace in seaside 😍最钟意佢嘅食物味道好卖相又靓，环境又舒服，好relax 。牛面肉蛋包饭，牛嘅份量惊人，唔敢相信呢个饭一个人可以食晒，佢牛肉带啲牛筋，好易咬好好味，现场会切开个蛋，好正，入面嘅饭唔系用白饭，而系有蕃茄味嘅炒饭，非常有诚意。芝士炒辣鸡都好好味，重口味嘅朋友一定会钟意。入面有好多件鸡，肉质嫩滑又够入味，仲有好多吸晒啲汁嘅杂菜，当然唔少得年糕👍🏻士多啤梨窝夫，极力推介窝夫，唔怕肥嘅朋友一定要试，大大份嘅窝夫加上劲量嘅cream，上面仲有士多啤梨，真系好满足，两个人争住食😆而饮品方面都好多选择，燕麦奶咖啡都好香，适合对奶敏感嘅朋友仔。而我就饮好特别嘅蓝色Aqua Bomb水漾奶昔，贪佢够靓啱晒打卡😍估唔估到系咩味？原来佢系香蕉奶昔，好好饮，上面仲有一大旧cream，啱晒我。