上海弄堂菜肉餛飩 (已結業)

今晚去完湾仔行街，朋友仔话听讲附近有间上海菜都几好味，所以我地就去咗试下。一入去就餐厅就觉得间餐厅几有格调，有点怀旧的典雅feel，中国味。服务员态度友善而且温文。地方亦非常干净，坐得都舒服。一大开个Menu就想叫好多嘢食，但系得两个人，所以就叫左以下嘅嘢食。总括嚟讲啲嘢食都好食同满意。素菜馄饨$46-个馄饨比我想像好食好多。个云吞皮烟烟韧韧，外面仲滑滑地，容易入口。里面有好多种唔同嘅素菜料，有不同蔬菜的清甜味，仲有一啲菜汁，真系好好味。小笼包$35-个小笼包同出平时系出边食𠮶啲，有一啲唔一样，个皮比较有啲质感，比较厚啲，皮都好味。重要系小笼包啲汤真系好清甜，同好有肉味，又鲜。糖醋鱼块$112-鱼块外皮炸得脆，鱼肉又滑，有鱼味，一啲都唔腥。个汁煮得好唔错，酸酸甜甜好开胃。扁尖毛豆素鸡$75-素鸡有好香嘅大豆香味，滑滑地，又好有𡁻头。冬菇清甜又有冬菇味。清清地又够味，唔错。葱油拌面$38-个啲面条煮得啱啱好，又唔硬又唔冧，韧韧地几好食。又有干葱味嘅豉油混在一起，啲干葱爆得好香，有浓烈嘅葱香味。啲豉油又唔会太咸刚刚好。