長阪燒

营业中

休息中

开完一整天会议, 放工同同事食餐饭relax下, 拣左旺角一间楼上居酒屋叹返个dinner。餐厅内装修充满日本气色, 特别吧台位置, 有如去左日本地道餐厅一样。呢度供应刺身、寿司、串烧、日式小食等等...款式选择唔算多, 但胜在有烧酒、梅酒, 可以摸住酒杯底边食, 边叹酒, 非常relax~【三文鱼刺身5切】HK$68三文鱼鱼质林, 鱼油味偏淡【葱粒吞拿鱼腩】HK$58吞拿鱼腩蓉口感棉棉, 配上香葱带点香口, 不过鱼油同样偏淡最有惊喜是【油甘鱼腩寿司】HK$46油甘鱼腩爽口, 一咬即feel到很重鱼油香, 原汁原味, 新鲜唔干, 正!!【鸡肉棒】HK$38表面扫上了薄薄甜烧汁, 内里有些少肉汁同埋软骨碎, 增加左层次, 点上蛋汁, 令口感滑一点【明太子鸡翼】HK$38/只鸡翼表面烧得金黄, 塞满了明太子, 肉质比例鞋口, 一口咬落去有微微既辣。最后食埋甜品【苹果雪芭】HK$48入口即溶, 酸甜冰冻口感, 正好为丰富晚餐消下济。