幸福麵館

营业中

休息中

呢间幸福面馆真系好可以话系隐藏系小巷嘅宝店。佢嘅车仔面真系好好味，今日闲日嚟试嘅时候都已经好多人，令我非常期待呢度嘅车仔面价钱唔算贵，食后觉得好出色值得推介。朋友点左鱼鱼面，鱼味鲜甜浓郁，配料好多鱼🤣有鱼腐，鲮鱼肉，鱼蛋，鱼皮饺，鱼肉春卷，香菇同菜等等，简直超丰富又够鱼，唔同食料唔同口感味道，配搭油面真系啖啖滋味。我就拣咗个自选四送车仔面，金钱肚炆得够晒入味，虾饼又弹牙，鱼肉春卷吸左汤汁好好味，配料份量十足，餐厅真系落足本。可以选择唔同酱汁，按自己口味喜好，层层香味太好食！另外都试左个马来虾米辣椒酱（免费问职员拎），超级推介，风味十足，唔会太辣，反而虾米香味更突出，绝对令味道提升！呢餐食完真系好满足，食完又唔会口渴，港式风味满满，赞！