南洋家 (希雲街) (已結業)

希云街食店林立就系人都知，要突围而出令人尝味一番系件唔容易既事。今日黎到依一间南洋家，放系厨窗既各种甜品已经好吸引人味蕾，加上店面放置既餐牌食物种类同样式都多。就吸引左我入去食。异国风情的确令我放低香港既杂务好好放松享受黎紧依一餐既食物。首先食东南亚食物唔少得椰青，店舖选择既椰青新鲜解渴。近排都开始热番唔少的确一饮凉透心。而珍多冰都系我个人必点既饮品，椰汁味浓，加埋粉条希咬口，好开胃。鸡肉沙嗲配炒饭。东南亚式既鸡肉串烧，食落去鸡肉嫩滑多汁，烧得岩岩好唔会干同柴。配埋串烧既精华「沙嗲酱」就已经食指大动。而炒饭都唔马虎，香料十足，饭味香浓。烧猪颈肉配黄姜饭。猪颈肉烧得香，肉又有咬口同甜。餐厅既烧烤食物简直出色。加配黄姜饭可以比平时食开白饭既人转转口味，煮得出色又入味，值得一试。马拉盏炒通菜，色香味俱全。怕食太多浓味食物不彷点个清新味蕾。