餃掂手工餃子雲吞專門店

营业中

休息中

呢間餃子店-餃掂, 最吸引我嘅係佢地嘅至尊松茸豬肉餃，餃子每粒都好飽滿，餃子皮柔軟得嚟有口感，猪肉餡料唔會太肥，咬開充滿松茸獨特香氣，令人一試愛上，每次都食到停唔到口。 餃子跟嘅狀元九鼎湯，有健脾去濕作用，湯頭味道自然，很清甜。今日仲試左新出嘅壽喜燒牛肉餃，餃子兩邊都煎得金黃香脆，入口牛肉汁馬上溢出，肉味香濃。唐芹拌豆筋，唐芹爽甜，豆筋味道簡樸，拌上麻辣醬料惹味非常。龍鳳蛋，溏心雞蛋加上黑白松茸醬，呢個食法別有一番風味。上湯松茸時菜，蔬菜翠綠爽口，加入上湯提味不少。山楂雪梨水清甜滋潤，甜中帶點山楂酸味，很醒胃 。