滿記甜品 De Avenue (已結業)

要知道系铜锣湾食嘢, 食好啲就等位等餐死, 一系就食hea嘢。今日经过希慎，中庭有间花园cafe，又摆咗啲意粉, nachos出嚟，睇真啲原来系满记，好搞笑，满记搞啲咁嘢食? 行到攰攰地，姑且坐低一试~首先叫咗个手冲咖啡，系有咖啡师带晒成副架生埋你个位度冲  仲一路冲一路讲呢款系咩咖啡豆，有咩特色... 咖啡师好好人，好好倾，睇得出佢真心想整靓咖啡俾客人饮！冲完最后留返个小沙漏，等一分钟就有得饮。讲返杯咖啡先，我拣咗Sumiyaki 日式炭烧豆，冲起身好香，饮落系好清好纯正的咖啡味，唔酸，唔洗加糖加奶都已经好正！另外再叫咗个nachos, 真系估唔到满记会整啲咁鬼佬嘅嘢食。Nachos最紧要多酱，呢个完全fulfill 我嘅要求，salsa辣辣地，点埋啲sour cream好食到晕！正正！见到其他客都有食意粉、pizza，睇落都好吸引~ 下次除咗约friend嚟满记食糖水，都可以嚟试下新嘢