源都冰室

营业中

休息中

怀旧冰室晌香港已经买少见少，仲要落于环境清静嘅高山道，当日风和日丽心情大好又饿饿地路经此店，谂都唔谂就入店一试。店内装修的确好有情怀，大部分都系如假包换嘅旧物，童年回忆真系即刻番晒嚟！怀旧完毕，医肚先。我叫咗一个火腿煎蛋饭加杯热奶茶。杯奶还可以。但个饭呢⋯⋯火腿煎蛋饭，其实系只要有些少诚意就能做得好的碟头饭，但都可以整得咁难食！煎蛋全熟干争争，仲要得一只；火腿就煎都冇煎就咁放晌度；个重点甜豉油⋯⋯系唔甜嘅，我甚至怀疑佢系咁二落两滴生抽了事。非常咁求其！除非净饮，否则真系唔驶帮衬。