影片
更多
2018-10-12
478 浏览
全家人除左我，都超级钟意食日本野。特别系呀妈，食亲寿司刺身就笑骑骑，不过作为一家之煮，呀妈其实好悭家，平时逐碟计钱，佢就会就住我地荷包唔舍得叫。今次就趁佢生日，同家姐一齐请佢食放题，等佢开开心心食到够本为止。大喜屋其实都食过几次，刺身质素真系好稳定，够新鲜又够冻，摆盘都好靓，见得下人。款式超级多，我谂有超过一百样野食，要写真系写唔完，就写下特别有印象既野食啦。呀妈同家姐至爱就系带子刺身，厚肉又鲜味，原只既虾刺身好甜又大只，家姐话出面卖好贵，三文鱼俾既部位都好靓好肥美。虽然我唔系超钟意食刺身但都好多野啱食，例如烧和牛，甜甜地，好嫩好正仲有炸物芝麻鸡翼脆口又惹味，每次黎都必食，呀爸呀妈超钟意炸榴梿波波，有爆浆既感觉。虽然唔系话平，一个人都成3百蚊，但系佢既食物质素同款式选择，的确系值回票价，一次过满足哂成家人既日本胃口。
特别系呀妈，食亲寿司刺身就笑骑骑，
不过作为一家之煮，呀妈其实好悭家，
平时逐碟计钱，佢就会就住我地荷包唔舍得叫。
今次就趁佢生日，同家姐一齐请佢食放题，
等佢开开心心食到够本为止。
大喜屋其实都食过几次，刺身质素真系好稳定，够新鲜又够冻，摆盘都好靓，见得下人。
款式超级多，我谂有超过一百样野食，
要写真系写唔完，就写下特别有印象既野食啦。
呀妈同家姐至爱就系带子刺身，厚肉又鲜味，
原只既虾刺身好甜又大只，家姐话出面卖好贵，
三文鱼俾既部位都好靓好肥美。
虽然我唔系超钟意食刺身但都好多野啱食，
例如烧和牛，甜甜地，好嫩好正
仲有炸物芝麻鸡翼脆口又惹味，每次黎都必食，
呀爸呀妈超钟意炸榴梿波波，有爆浆既感觉。
虽然唔系话平，一个人都成3百蚊，
但系佢既食物质素同款式选择，的确系值回票价，
一次过满足哂成家人既日本胃口。
张贴
