牛極 (通菜街)

营业中

休息中

好耐冇帮衬过牛极，心思思呢排好想食牛肉，所以决定今日收工过黎一饱口福☺️俾咗钱之后，饭、汤同埋沙律系以自助嘅形式可以任食😍🔖牛肩扒配鹅肝 150g （$140）好少见可以配埋鹅肝，即刻嗌咗一份试吓。鹅肝煎咗之后油脂咇晒出嚟好香☺️用鹅肝嘅油脂去煎埋牛扒，连块牛扒都有浓浓嘅鹅肝香味，超邪恶😈🔖乱切牛扒 300g （$160）如果男仔惊食得唔饱嘅，可以试吓嗌呢个乱切牛扒，份量多得黎，又可以食到唔同质地嘅牛肉，好正🥰汤系类似罗宋汤嘅口味，入面有萝卜，红萝卜洋葱同埋牛肉，劲足料🫶🏻沙律好新鲜，上面仲会包住一层保鲜膜，卫生之余又唔会令生菜流失咗水份，所以食嘅时候仲系索索声🤣饭就煮得麻麻，唔系粒粒分明有啲黐住一旧🥲不过有得加海苔，睇落卖相更佳👌🏻环境坐得舒服，但地下唔知系咪因为长期煎紧牛扒，变得地下真系好跣😥如果地下可以留意返多啲就好付款形式：有部机可以自助落单，如果想用Visa卡俾钱，都有个专for Visa卡嘅QR可以嘟。