影片
更多
2022-12-22
217 浏览
日式速食烧肉店，一人一客，一人一个炉，有平有贵，最低价好似系「$48激安套餐-美国牛胸腹100g」。而笔者拣咗个「$88美国牛板腱+美国封门柳 套餐」，包含两款牛肉、一碗白饭，前菜系枝豆或羽衣甘蓝，仲有一杯清水💧，汽水额外加$12。坦白讲，对于麻甩佬而言，呢个份量勉强称得上啱啱好。之所以能够勉强啱啱好，最主要原因系碗白饭。相信店家都知道份量不足呢个问题，所以碗饭，佢一早预设咗三个size畀啲客拣：100g、200g、300g。笔者二话不说食碗300g，出街食lunch要靠白饭填饱自己，都系个几特别体验。当然，对于靓女们嚟讲份量应该足够，皆因笔者留意到现场女食客数目比较多。可能真系关个份量事，唔够食咪少啲男士帮衬啰。呢个情况都有个好处，由于餐厅座位布局系一字排开并肩而坐，而且座位与座位之间冇隔板，换言之毒L一人去食，系个识吓女仔嘅好机会，咁两、三日后就唔使再唱陈奕迅《Lonely Christmas》。味道方面，啲肉对得起价钱，唔会榎歰歰(音：鞋霎霎)，亦唔系一早腌到好重口味𠴱种，就算唔点酱汁都食得出有少少牛味，点咗就惹味多少少，加上个酱汁架就喺手边，座底有十款酱汁任你自由搭配，总能够符
日式速食烧肉店，一人一客，一人一个炉，有平有贵，最低价好似系「$48激安套餐-美国牛胸腹100g」。而笔者拣咗个「$88美国牛板腱+美国封门柳 套餐」，包含两款牛肉、一碗白饭，前菜系枝豆或羽衣甘蓝，仲有一杯清水💧，汽水额外加$12。
坦白讲，对于麻甩佬而言，呢个份量勉强称得上啱啱好。之所以能够勉强啱啱好，最主要原因系碗白饭。相信店家都知道份量不足呢个问题，所以碗饭，佢一早预设咗三个size畀啲客拣：100g、200g、300g。笔者二话不说食碗300g，出街食lunch要靠白饭填饱自己，都系个几特别体验。
当然，对于靓女们嚟讲份量应该足够，皆因笔者留意到现场女食客数目比较多。可能真系关个份量事，唔够食咪少啲男士帮衬啰。呢个情况都有个好处，由于餐厅座位布局系一字排开并肩而坐，而且座位与座位之间冇隔板，换言之毒L一人去食，系个识吓女仔嘅好机会，咁两、三日后就唔使再唱陈奕迅《Lonely Christmas》。
味道方面，啲肉对得起价钱，唔会榎歰歰(音：鞋霎霎)，亦唔系一早腌到好重口味𠴱种，就算唔点酱汁都食得出有少少牛味，点咗就惹味多少少，加上个酱汁架就喺手边，座底有十款酱汁任你自由搭配，总能够符合你口味。
前菜，笔者拣咗羽衣甘蓝，即系图入面万绿丛中一点红𠴱碗，记得要加芝麻酱，如果唔系就好似老牛嚼干草咁，好难入口。
总结，质素有如希崎洁西卡，整体予人感觉好听就中规中矩，冇咁好听就平平冇奇。冇咩差，同时又冇咩突出，能够满足你基本要求，但畀唔到惊喜你，认真系好又一餐，唔好又一餐。
美国牛板腱及美国封门柳餐
$88
10 浏览
0 赞好
0 留言
14 浏览
0 赞好
0 留言
张贴
